ჯუნიორ ეჩივმენტ საქართველო (JAG), კრისტალის ფონდთან, მიკროსაფინანსო ორგანიზაცია კრისტალთან პარტნიორობით და USAID-ის ფინანსური მხარდაჭერით ახორციელებენ პროექტს: “ახალგაზრდების სამეწარმეო უნარ-შესაძლებლობების, დასაქმებისა და შემოსავლების გენერირების მხარდაჭერის პროგრამას საქართველოში“ (YES-Georgia).
პროგრამა მიზნად ისახავს საქართველოს ახალგაზრდების თვითდასაქმებისა და დასაქმების შესაძლებლობების გაზრდას ახალგაზრდული საწარმოების მეშვეობით, რელევანტური უნარების ინოვაციური მიწოდებით და ახალი დისკურსების გზით.
პროექტი YES-საქართველო, JA საქართველოს კომპონენტის მეშვეობით, მიზნად ისახავს სამომხმარებლო, ეკონომიკური, სოციალური, კრიტიკული აზროვნების, გადაწყვეტილების მიღების, პრობლემის მოგვარების, ლიდერობისა და დაგეგმვის უნარ-ჩვევების განვითარებას სკოლის მოსწავლეებს შორის, რომელიც საფუძველს უქმნის სამეწარმეო უნარ-ჩვევების განვითარებას და მოამზადებს ახალგაზრდებს ეკონომიკის სფეროში წარმატების მისაღწევად. ამგვარად, YES-საქართველო, JA საქართველოსთან თანამშრომლობით, გააფართოვებს მიზნობრივი ბენეფიციარების ჯგუფს X, XI და XII კლასის მოსწავლეებს შორის.
ურთიერთთანამშრომლობის ფარგლებში პროექტი YES – საქართველო:
- ქართულად მოამზადებს პროგრამას „იყავი მეწარმე“, დამატებით მასალებთან ერთად;
- მოამზადებს 30 სკოლის პედაგოგს, რომლებიც განაწილდებიან 3 ჯგუფად, (თითოეულ ჯგუფში მინიმუმ 10 პედაგოგი), რომლებსაც ჩაუტარდებათ 15 საათიანი პედაგოგთა ტრენინგი;
- JA საქართველო სპეციალურ კურსს „იყავი მეწარმე“ ჩაუტარებს 600 ახალგაზრდას (სკოლის მე-10, მე-11 და მე-12 კლასების მოსწავლეები, 30 სკოლიდან) მთელი საქართველოს მასშტაბით;
- ჩაატარებს ორ კონკურსს, გამოავლენს საუკეთესო ბიზნეს გეგმას და უზრუნველყოფს გამარჯვებულების სწავლას „ახალგაზრდა მეწარმეთა სკოლა“-ში, რომელიც შეიქმნა პროექტის YES საქართველოს ფარგლებში;
- ტრენერებისათვის უზრუნველყოფს საქმიანობის მონიტორინგს, შეფასებას, აგრეთვე ონლაინ კონსულტაციებს.
ჯუნიორ ეჩივმენტის პროგრამის „იყავი მეწარმე!-ს“ მიზანი
ჯუნიორ ეჩივმენტის პროგრამის „იყავი მეწარმე!-ს“ მიზანია ხელი შეუწყოს მოსწავლეების მიერ მაღალ კლასებში სამეწარმეო ინიციატივებს ბიზნესგეგმის ძირითადი კომპონენტების შესწავლის მეშვეობით.
პროგრამაში მონაწილე სტუდენტები შეძლებენ:
- წარმატებული მეწარმის თვისებებისა და პრაქტიკული უნარ-ჩვევების შემეცნებას;
- სამეწარმეო იდეის შეფასებას პროდუქტის, მომხმარებლის და კონკურენტული უპირატესობის კრიტერიუმების მეშვეობით;
- ბიზნეს-დაგეგმვის უნარების დემონსტრირებას სამეწარმეო წამოწყებებში, მარკეტინგული, მენეჯერული, საფინანსო და ეთიკური გადაწყვეტილებების მიღებას.
მოდულები:
მოდული პირველი: შესავალი მეწარმეობაში
სტუდენტები გაეცნობიან წარმატებული ბიზნესის დაწყების ელემენტებს, მითებს და ფაქტებს მეწარმეობის შესახებ, მონაწილეობას მიიღებენ პროდუქტის შექმნის კონკურსში.
მოდული მეორე: რა არის ჩემი ბიზნესი?
მოსწავლეები პროდუქტისა და სერვისის შესახებ იდეის გასავითარებლად ირგებენ სხვადასხვა მეწარმეთა როლებს, უკეთებენ ანალიზს წარმატებული სამეწარმეო საქონელის წყაროებს, რომ შეარჩიონ პროდუქტი ან მომსახურება თავიანთი ბიზნეს გეგმისთვის.
მოდული მესამე: ვინ არის ჩემი მომხმარებელი?
მოსწავლეთა ჯგუფი ქმნის და წარმოადგენს განაცხადს, რათა დემონსტრაცია გაუკეთონ იმას, თუ როგორ მონაწილეობს ბაზრის საჭიროებები, აგრეთვე სამიზნე ჯგუფები წარმატებულ მეწარმეობაში.
მოდული მეოთხე: რა არის ჩემი უპირატესობა?
სტუდენტები აფასებენ იმ ფაქტობრივ კომპანიებს, რომლებმაც კონკურენტუნარიანი უპირატესობების არჩევა და გამოყენება შეძლეს.
მოდული მეხუთე: კონკურენტული უპირატესობა
მოსწავლეები იწყებენ თამაშს, რომელიც ასახავს ეფექტურ კონკურენტულ უპირატესობას და იძლევა შესაძლებლობას, რომ შეირჩეს მათთვის საუკეთესო სამეწარმეო საქმიანობა.
მოდული მეექვსე: ეთიკა ბიზნესისთვის
მოსწავლეები სწავლობენ, რამდენად საჭირო და მნიშვნელოვანია ეთიკა ბიზნესის გრძელვადიანი განვითარებისთვის.
მოდული მეშვიდე: ბიზნესგეგმა
წარმატებული მეწარმეების ძირითად ელემენტებს მოსწავლეები იყენებენ თავიანთი პროდუქტის ან მომსახურებისთვის და ადგენენ ბიზნესგეგმას.
