2024 წლის 7-9 სექტემბერს, ჯუნიორ ეჩივმენტი საქართველომ, ამერიკის შეერთებული შტატების საერთაშორისო განვითარების სააგენტოს (USAID) პროექტის „სამეწარმეო განათლების მხარდაჭერა ევროპასა და ევრაზიაში“ ფარგლებში პროგრამა “მეწარმეობის საფუძვლები”-ს მასწავლებელთა მოსამზადებელი ონლაინ ტრენინგი გამართა, რომელსაც საქართველოს სხვადასხვა რეგიონის სასწავლო დაწესებულების 49 წარმომადგენელი დაესწრო.
ტრენინგზე განხილული იქნა პროგრამის განახლებული ვერსია, მასწავლებლებს მიეწოდათ დეტალური ინფორმაცია მნიშვნელოვანი ცვლილებებისა და სწავლების მეთოდიკის შესახებ.
“მეწარმეობის საფუძვლები”-ს მეშვეობით, მოსწავლეები სიმულაციური საწარმოს ე.წ. „მოსწავლეთა კომპანიის“ ჩამოყალიბების და მართვის მაგალითზე ეცნობიან სამეწარმეო საქმიანობის ძირითად საკითხებს. მოსწავლეები ირჩევენ კომპანიის მმართველ დირექტორთა საბჭოს თანატოლებიდან. პროგრამის წესების შესაბამისად, ახდენენ კაპიტალის მოზიდვას, ბაზარზე გააქვთ მათ მიერ არჩეული და ნაწარმოები საქონელი ან მომსახურება და ყიდიან მას. პროგრამის ბოლოს ისინი ახდენენ ანგარიშგების მომზადებას და წარდგენას თავიანთი აქციონერების წინაშე.
პროგრამა ყოველწლიურად, საქართველოს 250-ზე მეტ სკოლაში, ამერიკის შეერთებული შტატების საერთაშორისო განვითარების სააგენტოს (USAID) პროექტის „სამეწარმეო განათლების მხარდაჭერა ევროპასა და ევრაზიაში“ ფარგლებში ისწავლება და 7000-ზე მეტი ახალგაზრდა გამოიმუშავებს მნიშვნელოვან უნარ-ჩვევებს, რაც მათ სამეწარმეო საქმიანობის, გლობალურ ეკონომიკაში წარმატების მიღწევასა და სამომავლოდ, დასაქმებისთვის უწყობს ხელს.
