მოხარული ვართ გაცნობოთ, რომ ჯუნიორ ეჩივმენტ საქართველომ 2024 წელს ბრიუსელში გამართულ JA Europe-ის ყოველწლიურ გენერალურ ასამბლეაზე “მოდელი ორგანიზაციის ჯილდო” მიიღო. მოდელი ორგანიზაციის ჯილდო ხაზს უსვამს გამორჩეული ლიდერობის, ინოვაციებისა და სტრატეგიული ინიციატივების აშკარა განვითარებასა და წარმატებას JA ქსელში.
როგორც ახალგაზრდებში მეწარმეობისა და ფინანსური განათლების ხელშემწყობი წამყვანი ორგანიზაცია, ჯუნიორ ეჩივმენტი საქართველო მნიშვნელოვან როლს ასრულებს ქართველი ახალგაზრდების გაძლიერებაში. სხვადასხვა პრაქტიკული პროგრამის მეშვეობით, ჩვენ ვეხმარებით სტუდენტებს მეწარმეობისა და კარიერული მზაობის აუცილებელი უნარების განვითარებაში, რაც მათ კონკურენტულ გარემოში წარმატებისთვის ამზადებს. ჩვენი შრომის შედეგი კი ზუსტად შეესაბამება JA Europe-ის ფართო მისიას – შთააგონოს და მოამზადოს ახალგაზრდები წარმატებისთვის.
გასათვალისწინებელია ის ფაქტიც, რომ 2024 წელს JA Worldwide მესამედ იყო ნომინირებული ნობელის პრემიაზე მშვიდობის დარგში. ეს აღიარება ასახავს ორგანიზაციის გლობალურ გავლენას, ხელი შეუწყოს ეკონომიკური შესაძლებლობების წინსვლასა და მშვიდობას.
სალვატორე ნიგრომ, JA Europe-ის აღმასრულებელმა დირექტორმა, აღნიშნა: „საუკეთესო JA წევრების დაჯილდოება კრიტიკულად მნიშვნელოვანია ჩვენი მთელი ქსელის შთაგონებისთვის, რათა 2050 წლისთვის ყოველწლიურად 20 მილიონი ახალგაზრდა ევროპელის ამბიცია რეალობად ვაქციოთ. ჩვენ მადლობას ვუხდით JA წევრებს, რომლებმაც სრულად გაითავისეს JA-ის სტრატეგიული მიმართულებები და გამოიჩინეს მზაობა ახალგაზრდებისთვის ეფექტიანი სასწავლო გამოცდილების მისაცემად. ასევე, ვულოცავთ JA Spain-ს TJ Bata Quality Award 2024-ის მოპოვებას, რადგან მრავალი წელია ვაკვირდებით ორგანიზაციის უწყვეტ ზრდასა და წარმატებას.“
