ჩვენი საზოგადოება (8-დან 10 წლამდე)

III - კლასი

პროგრამა ხელს უწყობს დასაქმებისთვის მზაობის აკადემიური სტანდარტების მიღწევას.მოსწავლეებს განუვითარდებათ პროფესიის შეგრძნება და გააცნობიერებენ, რომ საზოგადოებისთვის ნებისმიერი სამუშაო სასარგებლოა.  პროგრამა მოიცავს ისეთ თემებს, როგორებიცაა: პროფესიები, პროდუქციის წარმოება, ინოვაცია, შემოსავლები, გადასახადები, მთავრობა, ფული, ბიზნესი და გადაწყვეტილებების მიღების პროცესი. 

პროგრამის მიზნები:

პროგრამაში მონაწილეობის შედეგად მოსწავლეები შეძლებენ:

•  დაახასიათონ საზოგადოება;
• გაარჩიონ საზოგადოებაში არსებული პროფესიები და გააცნობიერონ თითოეული სამუშაოსთვის საჭირო სხვადასხვა უნარი;
• გააცნობიერონ, როგორ ეხმარება საზოგადოებას კერძო და სახელმწიფო სამსახური;
• ახსნან, თუ როგორ უწყობს ხელს საგადასახადო სისტემა სახელმწიფო მომსახურების მიწოდებას;
• გაიაზრონ ხმის მიცემის პროცესი;
• აღწერონ ფულის მიმოქცევა საზოგადოების ეკონომიკაში.

პროგრამა შედგება 5 გაკვეთილისგან და თითოეული მათგანი მოიცავს:

• მიმოხილვას— მასწავლებლის მიერ ჩასატარებელი აქტივობების მოკლე აღწერილობა.
• მიზნებს— სწავლების შედეგებს: რა ცოდნასა და უნარებს შეიძენს მოსწავლე გაკვეთილიდან.
• მომზადებას — რჩევებს გაკვეთილის მოსამზადებლად.
• ცნებებსა და უნარებს — ცნებებისა და უნარების ჩამონათვალი ყოველი გაკვეთილისთვის.
• დასკვნასა და შეჯამებას — გაკვეთილის დასრულებამდე კიდევ ერთხელ გადაიხედება გაკვეთილის მიზნები.
• სასაუბრო თემებს — საკითხებს, რომლებიც ხელს შეუწყობს მოსწავლეებში განხილული მასალის გააზრებას;
• საგანთაშორის აქტივობებს — მასწავლებლის მიერ სხვა საგნების გაკვეთილებზე შესასრულებელი აქტივობები, რომლებიც აფართოებს მოსწავლის ცოდნას. გაკვეთილის მონახაზს — გაკვეთილის თანმიმდევრული სცენარს, რათა მასწავლებელმა ადვილად შეძლოს მიზნების მიღწევა.

თითოეული გაკვეთილისთვის განსაზღვრულია საჭირო მასალების ჩამონათვალი:

• მასწავლებლის გზამკვლევი;
• მოსწავლის რვეული;
• საკვანძო ტერმინთა საჩვენებელი ბარათები;
• ბარათების დასტა „პროფესიები’’;
• ინდივიდუალური გაკვეთილის აქტივობების შესაბამისი დამატებითი მასალები („ჰენდაუთები’’).

საკონტაქტო ინფრმაცია: 0322 38 36 70; E-mail: academy@jag.ge